Духоўныя сустрэчы для юнакоў пад дэвізам «Будзь воля Твая!» прайшлі ў кляштары айцоў піяраў з 3 па 5 лістапада. У сустрэчы прыняло ўдзел 11 чалавек са Шчучына і Ліды.
Удзельнікі разам з а. Аляксандрам Махначом SP, адказным за піярскае душпастырства пакліканняў у Беларусі, разважалі над прысутнасцю Бога ў асабістым жыцці чалавека і даверы Ягонай волі. Акрамя тэарэтычнага зместу, кожны мог паразважаць над асабістымі адносінамі з Панам Богам на практыцы — падчас адарацыі Найсвяцейшага Сакрамэнту ці асабістай малітвы.
У праграме духоўных сустрэч быў час і на спорт. Атмасфера даверу, якая панавала падчас гэтых сустрэч, дазволіла юнакам адкрыць сваё сэрца на дзеянне Духа Святога ў іх жыцці і на дары, якімі Ён узбагачае жыццё кожнага з іх.
