Пошук

19.10.2017 11:49   belta.by / Catholic.by

Міністэрства аховы здароўя РБ нацэльвае прыватныя медыцынскія цэнтры на эфектыўнае перадабортнае кансультаванне. Пра гэта паведаміў міністр аховы здароўя Валерый Малашка.

«У першую чаргу мы настойваем на тым, каб у прыватных цэнтрах працавала добра, эфектыўна перадабортнае кансультаванне», — падкрэсліў Валерый Малашка.

Пытанне забароны на аборты ў прыватных клініках не разглядаецца. Псіхалагічнае перадабортнае кансультаванне — адна з важных прафілактычных мер. У адпаведнасці з заканадаўствам, установа аховы здароўя, якая праводзіць аборты, абавязана забяспечыць цяжарнай жанчыне такое кансультаванне. Прычым калі ў штаце жаночай кансультацыі або прыватнага медцэнтра няма псіхолага, то ўстанова можа накіраваць на кансультацыю ў іншы медцэнтр ці нават у грамадскую арганізацыю. У прыватнасці, вельмі актыўна ў гэтым кірунку ў Мінску працуе Цэнтр падтрымкі сям’і і мацярынства «Матуля», а таксама Сацыяльны цэнтр «Шчаслівы малыш» SOS Дзiцячай вескi Бараўляны і Цэнтр дапамогі «Выратаванне немаўлят».

Абавязковае перадабортнае кансультаванне дазваляе захаваць штогод каля 1 тысячы жыццяў.

Абноўлена 19.10.2017 17:56
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.