Парафія Святога Міхала Арханёла ў Навагрудку з 1 па 3 верасня арганізавала майстар-клас і рэкалекцыі для кандыдатаў у міністранты. Навучанне прайшло ў в. Уселюб пры парафіі Святога Казіміра.
Падчас сумесных выязных сустрэч дзеці мелі магчымасць спалучыць прыемнае з карысным. Быў час для малітвы, адпачынку, навукі і працы. Дзякуючы гэтаму кандыдаты ў міністранты ад 9 да 13 гадоў зрабілі важны крок да прыняцця міністранцкага служэння.
Такога кшталту рэкалекцыі парафія Святога Міхала Арханёла ладзіць ужо не першы год, што дае надзею на абнаўленне міністранцкага саставу ў парафіі, а таксама можа спрыяць адкрыццю ў будучыні святарскага паклікання.
