На працягу пяці дзён дзеці вучыліся быць на сувязі з Богам. Рэкалекцыі праводзіла сястра Уладзіміра Лявоцкая MSF, тлумачачы дзецям сутнасць стасункаў з Богам праз прыклад мабільнага тэлефона. У арганізацыі летніку дапамагала моладзь парафіі.
Дзеці дзяліліся на гурткі для заняткаў у напрамках: спеў, танец, маляванне і спорт, а таксама прэзентавалі сваю працу на сумесных сустрэчах.
Кожны дзень заканчваўся святой Імшой.
У гэтыя дні маладзечанскія дзеці спаборнічалі ў тым, хто самы хуткі і моцны, у спартландыі, шукалі клад, гуляючы ў піратаў. Таксама яны развучылі танец-флэшмоб, які паказалі бацькам падчас сумеснага пікніку, якім і скончыўся летнік.
