Пошук


20.06.2017 00:00  

Апостальскі Нунцый у Беларусі арцыбіскуп Габар Пінтэр наведаў касцёл Беззаганнага Зачацця Найсвяцейшай Панны Марыі ў Бабруйску, дзе сустрэўся з вернікамі парафіі.

Падчас неафіцыйнага візіту прадстаўнік Папы азнаёміўся са станам святыні і паабяцаў вернікам «маліцца і па магчымасці дапамагчы» ў вырашэнні гэтай праблемы.

У 1968 годзе да бабруйскага касцёла быў дабудаваны пяціпавярховы будынак. Пры яго ўзвядзенні была разбурана вежа касцёла, якая да сённяшняга часу не адноўлена, а сам гмах пяціпавярховіка захіляе фасад святыні.

«Прыгожая святыня з непрыгожым будынкам, які закрывае яе аблічча, — спадчына мінулага. Мы будзем шукаць спосабы вырашэння гэтай сітуацыі, — адзначыў іерарх, звяртаючыся да вернікаў. — Будзем жа разам маліцца ў гэтай інтэнцыі, каб нарэшце адкрылася ўся прыгажосць бабруйскай святыні, якая з’яўляецца сапраўднай пярлінай у цэнтры горада».



Апостальскі Нунцый прызнаўся, што быў вельмі рады наведаць Бабруйск і пазнаёміцца з жывой і дынамічнай супольнасцю мясцовых вернікаў.

(cath)


Абноўлена 16.08.2017 11:13
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа