С пачатку мая 2017 года жадаючыя наведаць Будслаў і памаліцца каля абраза Маці Божай Будслаўскай змогуць паляцець туды на верталёце. Журналісты Catholic.by здзейснілі пробны палёт у беларускі санктуарый.
Ініцыятарам новага фармату пілігрымак стала парафія Святых Сымона і Алены ў Мінску. У супрацоўніцтве з Рэспубліканскім Саюзам турыстычных арганізацый плануецца павялічыць зацікаўленасць да Будслава з боку турыстаў, у першую чаргу замежных.
Згодна з пастановай Савета Міністраў ад 15.12.2016, населеныя пункты Будслаў і Жыровічы вызначаны цэнтрамі рэлігійнага турызму ў Беларусі, таму падобныя верталётныя пілігрымкі плануецца арганізаваць таксама і ў Жыровічы.
Рэалізоўвае палёты мінскі аэраклуб ДТСААФ. У красавіку адбыліся пробныя палёты па маршруце «Аэрадом Баравая – Будслаў». Замовіць верталёт для пілігрымкі неабходна не пазней за тры гадзіны да планаванага часу вылету.
Кантактныя тэлефоны для зацікаўленых: 8 (017) 505-29-60 (гарадскі нумар) або 8 (017) 200-44-15.
Фота Віталія Палінеўскага і кс. Кірыла Бардонава
