Пошук



28–30 ліпеня ў Івянцы пройдзе Малітоўная сустрэча моладзі Мінска-Магілёўскай архідыяцэзіі пад дэвізам «Вялікія рэчы ўчыніў нам Пан». На форум, які арганізоўваецца ўжо ў дзявяты раз, запрашаецца моладзь з усіх дыяцэзій Беларусі.

Усебеларуская МСМ у Івянцы. 2011 год

Што чакае ўдзельнікаў у гэтым годзе, арганізатары пакуль не раскрываюць. Дакладна вядома, што форуму будзе папярэднічаць «Музычная майстэрня», што моладзі ў гэтыя дні будуць спадарожнічаць іерархі архідыяцэзіі, прагучаць цікавыя даклады і пройдзе праца ў групах і, канешне, будуць супольныя спеў і малітва.

Усебеларуская МСМ у Івянцы. 2011 год

МСМ у Івянцы. 2015 год

Усебеларуская МСМ у Івянцы. 2011 год

Гісторыя МСМ у Івянцы

Упершыню моладзь з усёй Беларусі сабралася на вялікі ўсебеларускі малітоўны форум у Івянцы ў ліпені 2008 г. з нагоды 23-га Сусветнага дня моладзі, кульмінацыя якога адбывалася ў Сіднэі (Аўстралія). Дзякуючы трансляцыі СДМ з Сіднэя, за якой сабраныя ў Івянцы сачылі на вялікіх экранах, беларуская моладзь малілася разам папам Бэнэдыктам XVI і ўдзельнікамі сусветнага форуму ў Аўстраліі, нягледзячы на тысячы кіламетраў паміж кантынентамі.

Тройчы МСМ мела ўсебеларускі характар — у 2008, 2011 і ў 2013 гг. Сёлета Малітоўная сустрэча моладзі будзе праходзіць у дзявяты раз.

Фаершоў падчас МСМ у Івянцы. 2015 год

Валянціна Грамыка
Фота Віталія Палінеўскага і Аляксандры Шчыглінскай

Абноўлена 22.08.2017 12:49
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.