11 красавіка ў Нацыянальным санктуарыі Маці Божай у Будславе, а таксама ў парафіях Мінска-Магілёўскай архідыяцэзіі пройдуць набажэнствы ў шосты дзень Агульнабеларускай навэнны, дзякуючы якой Касцёл у Беларусі рыхтуецца да прысвячэння Мінска-Магілёўскай мітраполіі Найдаражэйшай Крыві Пана нашага Езуса Хрыста і якая з’яўляецца выразам удзячнасці Богу за 35 гадоў аднаўлення структураў Каталіцкага Касцёла ў Беларусі.
Нагадаем, што з распараджэння арцыбіскупа Юзафа Станеўскага, Мітрапаліта Мінска-Магілёўскага, Старшыні Канферэнцыі Каталіцкіх Біскупаў Беларусіпа ініцыятыве Мінска-Магілёўскай архідыяцэзіі з 4 кастрычніка 2025 года па 6 чэрвеня 2026 года ў галоўным беларускім марыйным санктуарыі і ў парафіях Мінска-Магілёўскай архідыяцэзіі адбываецца Агульнабеларуская навэнна «Найдаражэйшая Кроў Хрыста, умацуй нас!»
— тлумачыць мэту правядзення Навэнны арцыбіскуп Юзаф Станеўскі.
Асноўным днём, прызначаным для супольнай цэлебрацыі Эўхарыстыі і набажэнства, прысвечанага Найдаражэйшай Крыві Хрыста, з’яўляецца кожная першая субота месяца на працягу ўсяго перыяду падрыхтоўкі да ўрачыстасці ў Нацыянальным санктуарыі ў Будславе, якая адбудзецца 4 ліпеня 2026 года. Першая субота красавіка выпала на Святы Пасхальны Трыдуум, таму набажэнства было перанесена на адзін тыдзень пазней.
Адказнымі за правядзенне шостага дня навэнны ў Будславе вызначаны айцы міхаліты і сёстры Маці Божай Міласэрнасці.
Заклік навэнны на красавік 2026 года: «Кроў Хрыста, крыніца міласэрнасці, — выбаў нас».
Інтэнцыя: Перапрашэнне Божай Міласэрнасці і прысвячэнне Мінска-Магілёўскай Мітраполіі Божай Міласэрнасці.
Чытаецца чацвёртая частка Ружанца — Хвалебныя таямніцы, — ці на выбар.
Парадак навэнны:
- Ружанец;
- святая Імша (у Будславе);
- перапынак / пасілак(у Будславе);
- даклад прадстаўніка адказнай манаскай кангрэгацыі ці ордэну (у Будславе);
- разважанні на кожны дзень навэнны;
- Вяночак да Божай Міласэрнасці;
- Літанія да Найдаражэйшай Крыві Пана нашага Езуса Хрыста;
- Малітва да Крыві Хрыстовай.
Тэксты набажэнстваў на паасобныя першыя суботы, падрыхтаваныя выдавецтвам «Про Хрысто», будуць змяшчацца ў часопісе «Ave Maria», а таксама на інтэрнэт-старонках: сatholic.by, catholicminsk.by, ave-maria.by. Таксама ў выдавецтве выйшла кніжка з тэкстамі навэнны «Найдаражэйшая Кроў Хрыста, умацуй нас!».
Тэксты для друку
- Набажэнства на 11 красавіка 2026 года ў фармаце .DOC>>> і .PDF>>>.
- Парадак Навэнны і План наведвання Нацыянальнага санктуарыя Марыі ў Будславе і правядзення набажэнстваў у парафіях у фармаце .DOC>>> і .PDF>>>.
- Ружанец перапрашэння Беззаганнага Сэрца Марыі ў рамках Навэнны у фармаце .DOC>>> і .PDF>>>.
- Разважанні на кожны дзень Навэнны у фармаце .DOC>>> і .PDF>>>.
