Штогадовая дабрачынная акцыя моладзі з душпастарства «OPEN» у Гродне пад назвай «Пячэнька за пячэнька» сёлета пройдзе 27 лістапада ў гродзенскай катэдры.
Падчас кожнай святой Імшы моладзь будзе раздаваць за ахвяраванні ўласна зробленае печыва. Паўдзельнічаць у акцыі можна двума спосабамі: спячы як мага больш пячэння і перадаць яго валанцёрам або зрабіць грашовае ахвяраванне на дабрачынную акцыю і ўжо самому атрымаць печыва ад валанцёраў у знак удзячнасці.
Сродкі ад штогадовай акцыі «Пячэнька за пячэнька» моладзь накіроўвае ў Гродзенскі цэнтр карэкцыйна-развіваючага навучання і рэабілітацыі.
