З 21 чэрвеня па 21 жніўня адбываецца рэгістрацыя кандыдатаў для паступлення ў Мінскі тэалагічны каледж iмя святога Яна Хрысціцеля на 2025-2026 навучальны год.
Анлайн-рэгістрацыя абітурыентаў па спасылцы ТУТ>>>
Таксама можна адсканаваць мабільнай прыладай QR-код, які знаходзіцца злева.
Усе неабходныя для паступлення дакументы трэба прывезці на ўступны экзамен, які адбудзецца 23 жніўня ў 10.00 па адрасе:
г. Мінск, вул. праезд Галадзеда, 15В.
Тэлефон для даведак: +375 (29) 616-08-72
e-mail: kaledzminsk@gmail.com
Інфармацыя для абітурыентаў:
Мэта каледжа — паглыбленне рэлігійных ведаў, умацаванне веры і падрыхтоўка свецкіх вернікаў для служэння ў Мінска-Магілёўскай архідыяцэзіі.
Навучэнцы каледжа маюць магчымасць атрымаць веды па Святым Пісанні (Стары і Новы Запавет), тэалогіі (дагматычнай, маральнай, фундаментальнай), гісторыі Касцёла, кананічным праве, літургіі, патралогіі, рэлігіязнаўстве, сацыяльным вучэнні Касцёла, катэхетыцы і іншых прадметах згодна з прадпісаннямі Рыма-каталіцкага Касцёла.
Навучанне ў каледжы працягваецца 4 гады (з верасня па чэрвень). Заняткі праводзяцца ў 2-ю і 4-ю суботу месяца. Прымаюцца асобы ад 18 гадоў.
Адметнасць навучання:
- Група І [тэалогія] прадугледжана для асобаў, якія выключна жадаюць паглыбіць сваю веру і веды, вывучаючы каталіцкую тэалогію і іншыя прадметы згодна з праграмай навучання. Навучэнцы гэтай групы атрымліваюць дыплом аб заканчэнні каледжа без кваліфікацыі.
- Група ІІ [тэалогія + катэхетыка] прадугледжана для асобаў, якія жадаюць пасля заканчэння каледжа служыць у парафіях у якасці катэхета (настаўніка катэхізіса). Навучэнцы гэтай групы, акрамя вывучэння тэалогіі і іншых прадметаў згодна з праграмай навучання, маюць магчымасць набыць паглыбленыя веды ў галіне практычных метадаў катэхізацыі, якія існуюць у Каталіцкім Касцёле.
- Група ІІІ [тэалогія + касцёльны спеў] прадугледжана для асобаў, якія жадаюць пасля заканчэння каледжа служыць у парафіях у якасці кантара (кіраўніка спеваў). Навучэнцы гэтай групы, акрамя вывучэння тэалогіі і іншых прадметаў згодна з праграмай навучання, маюць магчымасць набыць паглыбленыя веды ў галіне арганізацыі літургічных спеваў.
- Група IV [тэалогія + сродкі масавай камунікацыі] прадугледжана для асобаў, якія жадаюць пасля заканчэння каледжа служыць у касцёльных сродках масавай камунікацыі ў якасці супрацоўніка КСМК (супрацоўніка каталіцкіх сродкаў масавай камунікацыі). Навучэнцы гэтай групы, акрамя вывучэння тэалогіі і іншых прадметаў згодна з праграмай навучання, маюць магчымасць набыць паглыбленыя веды ў галіне сродкаў масавай камунікацыі.
- Група V [тэалогія + рэлігійны турызм] прадугледжана для асобаў, якія жадаюць пасля заканчэння каледжа служыць у касцёльных структурах у якасці куратара пілігрымак. Навучэнцы гэтай групы, акрамя вывучэння тэалогіі і іншых прадметаў згодна з праграмай навучання, маюць магчымасць набыць паглыбленыя веды ў галіне рэлігійнага турызму.
- Група VI [тэалогія + сурдапераклад] прадугледжана для асобаў, якія жадаюць пасля заканчэння каледжа служыць у касцёльных структурах у якасці касцёльнага сурдаперакладчыка для служэння людзям з абмежаваннямі слыху (падрыхтоўка да прыняцця сакрамэнтаў, удзелу ў літургіі і жыцці парафіяльнай супольнасці). Студэнты гэтай групы, акрамя вывучэння тэалогіі і іншых прадметаў згодна з праграмай навучання, маюць магчымасць набыць паглыбленыя практычныя веды ў галіне сурдаперакладу.
Студэнты 3 і 4 курсаў у залежнасці ад выбранай групы навучання, акрамя прадметаў прадугледжаных праграмай навучання, наведваюць лекцыі, якія даюць магчымасць атрымання адпаведнай кваліфікацыі.
Дакументы, неабходныя для паступлення:
- лічбавая рэгістрацыя кандыдата;
- заява (напісаная ўласнаручна);
- біяграфія (напісаная ўласнаручна);
- рэкамендацыйны лiст ад пробашча сваёй парафii;
- копiя пасведчання аб хросце (і канфірмацыі);
- копiя атэстата аб агульнай сярэдняй адукацыі або iншы дакумент аб вышэйшай адукацыi;
- копiя пашпарта (стар. 31-33);
- 2 фотаздымкi (3х4);
- медыцынская даведка (для паступлення).
Уступны экзамен:
- экзамен па катэхізісе і агульных ведах пра Каталіцкі Касцёл;
- кваліфікацыйная размова.
