Біскуп Пінскі Антоні Дзям’янка у апошні час здзейсніў шэраг новых прызначэнняў сярод біскупаў і святароў, якія служаць у Пінскай дыяцэзіі.
Дапаможны біскуп Пінскай дыяцэзіі Андрэй Зноска з 13 верасня прызначаны Генеральным вікарыем Пінскай дыяцэзіі.
Айцец Сяргей Калюта OSPPE з 22 верасня вызвалены з пасады вікарыя парафіі Унебаўзяцця Найсвяцейшай Панны Марыі ў Гомелі (Гомельскі дэканат).
Айцец Ануфрый Альховік OSPPE з 22 верасня прызначаны на пасаду пробашча парафіі Спаслання Духа Святога ў Пінску (Пінскі дэканат).
Ксёндз Дзмітрый Кернога з 7 кастрычніка вызваляецца з пасады адміністратара з правамі пробашча парафіі святога Юзафа ў Лунінцы, парафіі Унебаўзяцця Найсвяцейшай Панны Марыі ў Мікашэвічах (Пінскі дэканат), парафіі святога Юзафа, рамесніка, у Жыткавічах (Мазырскі дэканат). Адначасова гэты святар з 7 кастрычніка прызначаны адміністратарам з правамі пробашча ў парафіі Святога Юзафа ў Ляхавічах (Ляхавіцкі дэканат) і парафіі Божага Цела ў Крошыне (Навамышскі дэканат).
Ксёндз Павел Мазан з 7 кастрычніка вызваляецца з пасады адміністратара з правамі пробашча парафіі святога Юзафа ў Ляхавічах (Ляхавіцкі дэканат) і парафіі Божага Цела ў Крошыне (Навамышскі дэканат). Адначасова гэты святар з 7 кастрычніка прызначаны адміністратарам з правамі пробашча парафіі святога Юзафа ў Лунінцы, парафіі Унебаўзяцця Найсвяцейшай Панны Марыі ў Мікашэвічах (Пінскі дэканат) і парафіі Святога Юзафа, рамесніка, у Жыткавічах (Мазырскі дэканат).
