8 верасня ў кляштары Ордэна святога Паўла, Першага пустэльніка (паўлінаў) ў Ляснёве (Польшча) восем братоў навіцыяў далі першыя манаскія абяцанні.
Як паведамляецца на сайце ордэна паўлінаў у Беларусі Рauliny.by, адзін з іх паходзіць з Беларусі.
Гэта брат Уладзіслаў Лопух з Варончы (Гродзенская дыяцэзія, Навагрудскі дэканат).
Разам з ім абяцанні свае першыя манаскія абяцанні давалі браты з Венгрыі, Польшчы, Славакіі і Харватыі. Яны рыхтаваліся да гэтага важнага дня цэлы год пад пільным кіраўніцтвам айца магістра. На працягу гэтага часу браты маліліся, працавалі і пазнавалі паўлінскую духоўнасць.
Цяпер іх чакаюць шэсць гадоў духоўнай семінарыі, дзе яны будуць вывучаць філасофію і тэалогію.
