Пошук

17.06.2016 17:49  

З 6 па 15 чэрвеня 20 дзяўчынак з дзіцячага хора з парафіі Cв. Міхала Арханёла ў Смаргоні правялі свой летні «адпачынак з Богам» у Шчучыне ў доме айцоў піяраў.

«Вясёлыя ноткі» — такую назву выбралі сабе дзяўчынкі для летніка пасля таго, як даведаліся гісторыю з'яўлення нот. Удзельніцы разважалі над нотамі па чарзе і, ведаючы іх значэнне, спрабавалі злучаць іх з рознымі хрысціянскімі і чалавечымі якасцямі.


Кожны дзень яны самастойна праводзілі розныя малітвы, дапамагалі ў падрыхтоўцы ежы, прыбіралі ў доме і шмат гулялі, спявалі, майстравалі цікавыя вырабы, праводзілі вясёлыя вечары.


Праз штодзённы ўдзел у святой Імшы ў парафіяльным касцёле, добрыя паводзіны, цікавыя і актыўныя гульні на пляцы каля дома і касцёла дзяўчынкі пакінулі пасля сябе добрае ўражанне ў шчучынцаў.

Падчас адпачынку дзяцей наведаў і пробашч парафіі ў Смаргоні кс. Алег Жураўскі SDB, дзякуючы падтрымцы якога і змог адбыцца гэты летнік.

Удзельніцы атрымалі шмат цікавых успамінаў і ўражанняў. Арганізатары летніка, удзячныя Богу за супольна праведзены час, жадаюць дзецям добрых хвілін падчас летніх вакацый.

С. Вераніка Блізнюк FMA, адна з арганізатараў, sdb.by

Фота аўтара.

Абноўлена 05.06.2017 13:31
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.