19 ліпеня Курыя Пінскай дыяцэзіі выдала паведамленне ў сувязі з прызначэннем Папам Францішкам дапаможнага біскупа згаданай дыяцэзіі, якім стаў ксёндз канонік Андрэй Зноска.
А 13-й гадзіне 19 ліпеня ў катэдральным касцёле Унебаўзяцця Найсвяцейшай Панны Марыі ў Пінску было прачытана паведамленне Апостальскай Нунцыятуры ў Рэспубліцы Беларусь аб прызначэнні пробашча парафіі Божай Міласэрнасці ў Лідзе (Гродзенская дыяцэзія), дастойнага ксяндза Андрэя Зноскі, дапаможным бскупам Пінскай Дыяцэзіі.
Дакумент прачытаў біскуп Пінскі Антоні Дзям’янка. У катэдры ў гэты момант былі прысутныя некаторыя святары Пінскай дыяцэзіі, а таксама свецкія супрацоўнікі Курыі.
Адразу пасля абвяшчэння навіны, біскуп Антоні Дзям’янка разам з прысутнымі святарамі цэлебраваў святую Імшу аб Божым благаслаўленні і патрэбных ласках для новапрызначанага дапаможнага біскупа Пінскай Дыяцэзіі.
Пінск, 19 ліпеня 2024 г.
