Курыя Гродзенскай дыяцэзіі са смуткам паведамляе, што 22 мая ў шпіталі ў Гродне адышоў у вечнасць ксёндз канонік Рышард Якубец, пробашч парафіі Адведзінаў Найсвяцейшай Панны Марыі ў Мікелеўшчыне (Гродзенская дыяцэзія, Мастоўскі дэканат).
Пахавальныя цырымоніі адбудуцца ў касцёле ў Мікелеўшчыне.
- 26 мая, нядзеля
- 18.00 – цела спачылага сятара будзе прывезена для развітання ў парафіяльны касцёл
- 19.00 – Імша ў інтэнцыі спачылага (духавенства Мастоўскага, Шчучынскага, Ваўкавыскага дэканатаў і ўсе ахвотныя)
- 27 мая, панядзелак
- 12.00 – пахавальная Імша, пахаванне каля касцёла
Ксёндз канонік Рышард Якубец нарадзіўся 23 сакавіка 1961 года. Паходзіў з парафіі Найсвяцейшай Тройцы ў Струбніцы (Мастоўскі дэканат). Прэзбітэрскае пасвячэнне ўдзяліў яму 31 мая 1987 года ў Рызе біскуп Яніс Цакулс.
З 1992 года да смерці быў пробашчам парафіі Адведзінаў Найсвяцейшай Панны Марыі ў Мікелеўшчыне. Раней нёс душпастырскае служэнне, між іншым, у парафіі Маці Божай Тройчы Цудоўнай у Мастах, дзе кіраваў будаўніцтвам касцёла. Шмат гадоў быў дэканам Мастоўскага дэканату.
