У межах Тыдня малітваў аб адзінстве хрысціянаў, які завяршаецца 25 студзеня, у капліцы Вышэйшай духоўнай семінарыі ў Гродне адбылося набажэнства ў інтэнцыі адзінства хрысціянаў.
Як паведаміла Прэс-служба Гродзенскай дыяцэзіі, набажэнства ўзначаліў духоўны айцец семінарыстаў ксёндз Ян Сарэла.
Семінарысты, якія сабраліся на набажэнстве, маліліся аб тым, каб былі «адна аўчарня і адзін пастыр». Сёлета Тыдзень малітваў аб адзінстве хрысціянаў праходзіў пад дэвізам «Любі Пана Бога твайго <…>, а бліжняга свайго, як самога сябе» (Лк 10, 27).
