13 студзеня ў сеціве быў размешчаны кліп каляднай песні «Спыніцца на момант» у выкананні дзіцячага гурта «Анёлы» з парафіі Святога Духа, што ў гродзенскім мікрараёне Альшанка.
У чарговым кліпе маленькія выканаўцы з парафіяльнага гурта пад кіраўніцтвам сястры Вікторыі Галузы CSSH спяваюць пра цуд Божага Нараджэння.
«Дзіцятка тут, Ён сярод нас», — абвяшчаюць навіну аб нараджэнні Збаўцы маленькія выканаўцы з гродзенскай парафіі Святога Духа, пробашчам якой з’яўляецца ксёндз канонік Павел Салабуда.
Удзельнікі гурта «Анёлы» разам з сястрой Вікторыяй просяць усіх неабыякавых падзяліцца відэа, каб як мага больш людзей па ўсёй Беларусі пачулі радасную вестку: «Свет увесь у захапленні глядзіць, як цяпер Бог нарадзіўся, каб радасць даць табе».
