![](/3/images/news/2023/09/2020-09-03-kapitul-010.jpg)
2 верасня, падчас святкавання 225-годдзя з часу заснавання гістарычнай Мінскай дыяцэзіі, былі абвешчаны дэкрэты аб прызначэнні двух новых канонікаў Мінскага катэдральнага капітула святога Міхала Арханёла і Маці Божай Будслаўскай.
Адпаведныя дэкрэты Мітрапаліта Мінска-Магілёўскага арцыбіскупа Юзафа Станеўскага зачытаў напрыканцы ўрачыстай святой Імшы ў катэдральным касцёле Найсвяцейшага Імя Марыі ў Мінску канцлер Мітрапалітальнай курыі і пробашч сталічнай катэдральнай парафіі ксёндз канонік Дзмітрый Пухальскі.
Паводле рашэння арцыпастыра, прынятага пасля абмеркавання з грэміяльнымі канонікамі капітула, ганаровымі канонікамі Мінскага катэдральнага капітула святога Міхала Арханёла і Маці Божай Будслаўскай былі прызначаны ксёндз Юрый Ясевіч, асабісты сакратар арцыбіскупа Станеўскага, і ксёндз Кірыл Бардонаў, афіцыял Міждыяцэзіяльнага Трыбунала ў Мінску.
Ксёндз Дзмітрый Пухальскі ўручыў новапрызначаным канонікам дэкрэты арцыбіскупа Станеўскага.
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)