Напрыканцы красавіка ў Міждыяцэзіяльна вышэйшай духоўнай семінарыі ў Гродне прайшоў дзень засяроджання.
Яго правёў для семінарыстаў ксёндз Алег Пятрашка, духоўны айцец першага курсу фармацыйнай супольнасці, што дзейнічае ў Мінску.
Як адзначаецца на старонцы Міждыяцэзіяльнай семінарыі vdsgrodna ў сацыяльнай сетцы Instаgram, у гэты дзень засяроджання, які праходзіў перад нядзеляй Добрага пастыра, духоўны айцец прапанаваў будучым святарам паразважаць на тэму Нябеснага Валадарства.
Ксёндз Алег таксама падзяліўся сваім уласным святарскім досведам і даў некалькі парад адносна таго, як не страціць дару паклікання і, нягледзячы ні на што, працягваць ісці за Панам.
«Святар — гэта сродак, а мэта — гэта Нябеснае Валадарства», — падкрэсліў духоўны айцец.
