Апостальскі нунцый у Рэспубліцы Беларусь арцыбіскуп Антэ Ёзіч скіраваў Мітрапаліту Мінска-Магілёўскаму арцыбіскупу Юзафу Станеўскаму спачуванні ў сувязі са смерцю яго мамы, Гэлены Станеўскай, якая адышла ў вечнасць 10 сакавіка на 85-м годзе жыцця.
Ваша Эксцэленыя, дарагі Браце,
Я са смуткам даведаўся пра заканчэнне зямнога шляху Тваёй умілаванай Матулі, Пані Гэлены Вацлаваўны Станеўскай.
Ад майго імя, а таксама ад імя ўсіх супрацоўнікаў Апостальскай Нунцыятуры ў Мінску, жадаю выказаць Табе шчырыя спачуванні ў той глыбокай жалобе, якая спасцігла Цябе, Твайго брата, сясцёр і ўсіх Тваіх родных.
Разам з тым хачу запэўніць Цябе ў маёй гарачай малітве за супакой Душы дарагой Матулі Гэлены і аб падтрымцы для Цябе і для ўсіх Тваіх блізкіх у цяжкую хвіліну расстання. Няхай Хрыстус уваскрослы ўмацуе надзею на новую сутрэчу ў Яго Нябесным Валадарстве, дзе Ён вытра ўсе слёзы з нашых вачэй.
З выразам братняй і шчырай блізкасці ў Хрысце,
✠Антэ Ёзіч
Апостальскі Нунцый
Мінск, 10 сакавіка 2023 года
