Дабрачыннае каталіцкае таварыства Caritas Какнферэнцыі Каталіцкіх Біскупаў у Беларусі стварыла рахунак, на які праз сістэму АРІП (ЕРИП) можна пералічыць сродкі на дапамогу пацярпелым ад землятрусу ў Турцыі і Сірыі.
На пачатку лютага на паўднёвым усходзе Турцыі і ў паўночнай частцы Сірыі адбыўся моцна земляртус, у выніку якога загінулі дзясяткі тысяч людзей, а вялікая колькасць засталася без даху над галавой і без сродкаў для існавання. Найгоршая гуманітарная сітуацыя пасля стыхійнага бедства склалася ў Сірыі з-за таго, што краіна знаходзіцца пад міжнароднымі санкцыямі, і гэта стварае перашкоды для аказання дапамогі пацярпелым. Каталіцкі Касцёл робіць усё магчымае для таго, каб дапамагчы тым, хто апынуўся ў патрэбе.
Каталіцкія біскупы Беларусі перадусім заахвоцілі вернікаў да малітвы за тых, хто загінуў і пацярпеў у выніку падземных штуршкоў, а таксама заклікалі ў Другую нядзелю Вялікага посту, якая прыпадае на 5 сакавіка, арганізаваць збор ахвяраванняў на дапамогу пацярпелым.
Пералічыць сродкі на гэтыя мэты могуць усе ахвртныя праз сістэму Адзінай разліковай інфармацыйнай прасторы (АРІП) — «Разлік» або на спецыяльны разліковы рахунак:
BY03PJCB31350544160030000933
Дрэва АРІП:
Благотворительность → Религиозные объединения → Каритас Беларусь → Пожертвование для Турции
Няхай Бога аддзячыць за шчодрасць усім, хто адгукнецца на заклік каталіцкіх біскупаў Беларусі і дапаможа пацярпелым сваёй малітвай і пасільнай падтрымкай.
