Упаўнаважаны па справах рэлігій і нацыянальнасцяў Аляксандр Румак даслаў віншаванне Апостальскаму нунцыю ў Беларусі Антэ Ёзічу з нагоды 55-годдзя з дня нараджэння, якое прадстаўнік Папы Францішка ў нашай краіне адзначыў 16 студзеня.
У дасланым віншавальным адрасе ўпаўнаважаны, між іншым, піша:
«У гэты знамянальны дзень хочацца пажадаць Вам далейшых поспехаў у высакароднай справе садзейнічання адраджэнню лепшых духоўных традыцый Рымска-каталіцкай Царквы ў Рэспубліцы Беларусь.
Ваша плённая дзейнасць, якая грунтуецца на трывалай падтрымцы спрадвечных традыцый міру і згоды паміж людзьмі, з’яўляецца яскравым прыкладам сапраўднага хрысціянскага служэння на карысць веры.
Сваім асабістым прыкладам, сціпласцю і добразычлівасцю, пастаяннай увагай да духоўных запатрабаванняў людзей, Вы заслужылі павагу і аўтарытэт сярод каталіцкіх вернікаў, прадстаўнікоў іншых канфесій і свецкіх уладаў», — напісаў у віншаванні Аляксандр Румак, дадаўшы пажаданні здароўя, доўгіх гадоў жыцця, духоўнай моцы і далейшых поспехаў ва ўсіх справах.
