Мітрапаліту Мінска-Магілёўскай архідыяцэзіі
Рымска-каталіцкага Касцёла ў Рэспубліцы Беларусь
арцыбіскупу Іосіфу Станеўскаму
Ваша Эксцэленцыя!
Прыміце шчырыя віншаванні з нагоды 5-годдзя прызначэння мітрапалітам Мінска-Магілёўскай архідыяцэзіі Рымска-каталіцкага Касцёла ў Рэспубліцы Беларусь.
Шматвекавое служэнне Рымска-каталіцкага Касцёла на нашай зямлі ў значнай ступені спрыяла захаванню багатай спадчыны беларускага народа, зразуменню вернікамі прыгажосці і велічы лепшых хрысціянскіх каштоўнасцей, духоўнаму і маральнаму дасканаленню грамадства. Сёння Касцёл адыгрывае значную ролю ў захаванні і распаўсюджванні высокіх ідэалаў міласэрнасці, дабра і чалавекалюбства, ажыццяўляе шырокую дабрачынную і сацыяльную дзейнасць.
Сваім асабістым прыкладам, сціпласцю і добразычлівасцю, пастаяннай увагай да духоўных запатрабаванняў людзей Вы заслужылі павагу і аўтарытэт сярод вернікаў, святароў і кансэкраваных асоб.
Упэўнены, што Ваша душпастырская дзейнасць і далей будзе садзейнічаць умацаванню хрысціянства на нашай зямлі, захаванню самабытнай культуры Беларусі, спрыяць канструктыўнаму межканфесійнаму дыялогу дзеля захавання адвечных традыцый талерантнасці на нашай зямлі.
Ад усяго сэрца віншую Вас, Ваша Эксцэленцыя, і жадаю моцнага здароўя, энергіі і аптымізму, далейшых поспехаў на шляху служэння высокім хрысціянскім каштоўнасцям і на карысць беларускага народа.
З павагай,
Упаўнаважаны А.А. Румак
