3 студзеня арцыбіскуп эмерыт Тадэвуш Кандрусевіч адзначыў свой чарговы дзень нараджэння.
З гэтай нагоды у капліцы мінскага Хрысціянскага сацыяльнага цэнтра Місіі Добрага Самараніна дзеткі, іх бацькі, выхавацелі і супрацоўнікі сабраліся на святой Імшы, каб разам падзякаваць Богу за дар жыцця заслужанага беларускага іерарха.
У віншаваннях прадстаўнікі Місіі адзначылі ахвярную шматгадовую працу арцыпастыра, яго заўсёды поўнае Божай любові стаўленне да людзей, а таксама жыццёвую актыўнасць, якая шмат для каго з’яўляецца прыкладам.
«Жадаем доўгіх гадоў жыцця, Божага дабраславення, сілаў і натхнення, каб і далей ахвярна служыць Богу і бліжнім!» — напісалі прадстаўнікі Місіі Добрага Самараніна на сваім сайце Samaranin.by.
