Муфцій Абу-Бекір Шабановіч. Фота Аляксандры Шчыглінскай
Кіраўнік Мусульманскага рэлігійнага аб’яднання ў Рэспубліцы Беларусь муфцій Абу-Бекір Шабановіч скіраваў ліст Мітрапаліту Мінска-Магілёўскаму арцыбіскупу Юзафу Станеўскаму, у якім павіншаваў іерарха са святам Нараджэння Хрыстова і з Новым годам.
«Ад імя Муфціяту Мусульманскага рэлігійнага аб’яднання ў Рэспубліцы Беларусь і сябе асабіста выказваем Вам самыя цёплыя і шчырыя віншаванні з нагоды наступлення Нараджэння Хрыстова і Новага года.
Ад усёй душы жадаем здароўя Вам і Вашым родным і блізкім, усіхзямных дабротаў, новых задум і актыўнай стваральнай дзейнасці!
Няхай умацоўваецца наша супрацоўніцтва і сяброўства, памнажаюцца добрыя справы! Са святам!» — сказана ў віншавальным лісце муфція Шабановіча.
