Пошук

31.08.2021 16:23   Catholic.by
Ілюстрацыйная выява: Сreativemarket.com

У новым навучальным годзе з верасня па сакавік 2022 года ў Навагрудку будзе праходзіць адмысловы курс для тых, хто жадае паглыбіць свае рэлігійныя веды.

Курс разлічаны на ўсіх хрысціянаў, асабліва католікаў, якія жадаюць паглыбіць свае веды ў галіне гісторыі Касцёла, фундаментальнага багаслоўя, новых рэлігійных рухаў, быць у курсе сучасных маральных праблем, разумець небяспеку гендарнай ідэалогіі і акультызму.

Мэта заняткаў — развіваць хрысціянскі светапогляд вернікаў, супрацьстаяць распаўсюджванню антыхрысціянскіх поглядаў і тэндэнцый, дапамагаць не паддавацца злу і спакусам.

У межах курсу прадугледжаны дыскусійныя сустрэчы з цікавымі людзьмі. Неад’емнай часткай заняткаў стане супольная малітва: святая Імша і адарацыя Найсвяцейшага Сакрамэнту.

Курс складаецца з сямі сустрэч; кожная сустрэча-з’езд будзе адбывацца раз на месяц пры касцёле святога Міхала Арханёла ў Навагрудку.

Заняткі будуць праходзіць у наступныя дні:

  • 24–25 верасня
  • 22–23 кастрычніка
  • 5–6 лістапада
  • 3–4 снежня
  • 28-29 студзеня
  • 25–26 лютага
  • 25–26 сакавіка

Ніжэй пададзены некаторыя з запланаваных для разгляду тэм:

  • гісторыя Касцёла: Крыжовыя паходы, інквізіцыя, контррэфармацыя, багацці Касцёла, беспамылковасць Рымскага Пантыфіка;
  • фундаментальнае багаслоўе: верагоднасць Божага Аб’яўлення, верагоднасць Касцёла, паняцце цуду
  • новыя рэлігійныя рухі: новыя пратэстанцкія плыні, рэлігійны сінкрэтызм, сучасныя секты;
  • маральнае багаслоўе: маральны індэферэнтызм, праявы секулярнага грамадства, гендарная ідэалогія;
  • філасофія: вытокі сучасных ідэалогій, праявы гэтых ідэалогій у грамадстве, культуры, літаратуры, СМI.
  • багаслоўе духоўнасці: асновы духоўнага жыцця хрысціяніна
  • небяспекі акультызму

На заканчэнне курсу слухачы атрымаюць дыплом «Абаронца веры».

Абноўлена 31.08.2021 16:23
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця