У Навагрудку пры касцёле святога Міхала Арханёла з 30 ліпеня па 1 жніўня праходзілі рэкалекцыі «Таліта кум» для моладзі, якая шукае Бога і жадае адкрыць сваё пакліканне.
Рэкалекцыі правёў пробашч парафіі Маці Божай Тройчы Цудоўнай у Мастах ксёндз Віктар Ханько. У рэкалекцыях удзельнічалі маладыя людзі з ад 16 да 30 гадоў з усёй Беларусі.
На духоўных практыкаваннях закраналіся важныя тэмы пакаяння, прабачэння, пазнання Божай волі і жыцця паводле яе, малітвы, узаемаадносін, даверу Богу.
У суботу ўдзельнікі пачула сведчанне веруючай сям’і, а таксама сведчанні людзей, якія прыйшлі да веры шляхам выпрабаванняў.
Моладзь мела магчымасць паслухаць канферэнцыі на розныя тэмы, атрымаць адказы на хвалюючыя пытанні, перажыць супольную Эўхарыстыю і адарацыю Найсвяцейшага Сакраманту, прыступіць да споведзі.
Асабліва кранальным момантам стала спецыяльная сустрэча з бацькамі ў апошні дзень рэкалекцый.
Дзелячыся ўражаннямі, многія ўдзельнікі рэкалекцый у Навагрудку кажуць, што такія духоўныя практыкаванні сапраўда дапамагаюць інакш паглядзець на саміх сябе і на жыццё, каб штосьці змяніць да лепшага. Некаторыя з іх ужо чакаюць наступнай сустрэчы з Богам у такім фармаце.
