![](/3/images/news/2020/10/12339/2020-10-15-image017.jpg)
8 снежня парафія святога Яна Хрысціцеля ў Мінску святкавала ўрачыстасць Беззаганнага Зачацця Найсвяцейшай Панны Марыі. Гэтая ўрачыстасць важная для салезіянскай парафіі, бо ў гэты дзень 179 гадоў таму заснавальнік супольнасці салезіянаў святы Ян Боско стварыў першы араторый.
Для салезіянскага араторыя ў Мінску гэта таксама асаблівы дзень, калі ён адзначае сваё нараджэнне, а сёлета святкаваў 20-гадовы юбілей.
Свята распачалося Імшой, якую цэлебравалі кс. Аляксандр Мятліцкі SDB і кс. Алег Каралёў SDB. У гаміліі кс. Алег на прыкладзе святога Яна Боско, які шмат давяраў Беззаганнаму Зачаццю Панны Марыі, адзначыў вартасць таго, каб давяраць Марыі пад гэтым тытулам.
Пасля гаміліі адбылося традыцыйнае аднаўленне абяцанняў салезіянскіх аніматараў.
У гэтым годзе да аніматараў далучыліся Ульяна Сінькевіч і Яна Маціс, а да кандыдатаў у аніматары — Мікалай Карабко і Паліна Сакалова.
На заканчэнне Імшы былі скіраваны віншаванні ад дэлегата салезіянаў у Беларусі кс. Віктара Гайдукевіча SDB з нагоды 20-годдзя араторыя. Таксама было прадстаўлена відэа з віншаваннямі ад святароў, сясцёр законных і моладзі, якія служылі на працягу гэтых 20 гадоў.