Катэхетычная секцыя, якая дзейнічае ў межах Камісіі па справах каталіцкай адукацыі і катэхезы пры Канферэнцыі Каталіцкіх Біскупаў у Беларусі, аднаўляе выпуск відэакатэхез на партале Catholic.by.
Паколькі з-за пандэміі каранавірусу ў многіх могуць узнікнуць цяжкасці з наведваннем заняткаў пры парафіях, зноў узнікла неабходнасць дыстанцыйнай формы навучання і катэхізацыі.
Новыя выпускі відэакатэхез будуць з’яўляцца на Youtube-канале парталу Catholic.by. Каб аператыўна атрымліваць апавяшчэнні пра новыя відэа, падпісвайцеся на канал і цісніце «званочак» пад відэа.
Запрашаем да прагляду не толькі дзяцей, але і ўсіх тых, хто хоча паглыбіць свае рэлігійныя веды.
Чарговая катэхеза прысвечана ўрачыстасці Усіх Святых і літургічнаму ўспаміну Усіх памерлых вернікаў, якія адзначаюцца ў Каталіцкім Касцёле 1 і 2 лістапада.
