Пошук

08.09.2020 10:42   Тэкст: Наталля Лазоўская / Фота: Кацярына Русілевіч, Наталля Лазоўская / Catholic.by

6 верасня, як і штогод у першую нядзелю восені, у парафіі Святога Духа ў гродзенскім мікрараёне Альшанка адбылося благаслаўленне школьных прылад.

На добры і плённы навучальны год школьнікаў, навучэнцаў і студэнтаў, а таксама іх настаўнікаў, благаславіў Генеральны вікарый Гродзенскай дыяцэзіі біскуп Юзаф Станеўскі, які з гэтай нагоды ўзначаліў у парафіі цэлебрацыю святой Імшы.

«Наша жыццё накіроўваюць два крылы. Адно з іх — гэта веды зямныя, якія мы атрымліваем у школе, а другое крыло — веды духоўныя, якія дае вера і Касцёл», — падкрэсліў у прамоўленым казанні іерарх. Растлумачыўшы важнасць гарманічнага развіцця асобы, ён заахвоціў дзяцей прыходзіць на катэхезы, каб вучыцца самаму галоўнаму — любові да Бога і бліжняга.

Пасля Імшы святары і сёстры законныя, якія нясуць служэнне ў парафіі, з дапамогаю моладзі арганізавалі для маленькіх вернікаў невялікае свята ведаў з гульнямі і танцамі, каб з добрым настроем увайсці ў новы навучальны год.

 

Абноўлена 08.09.2020 12:55
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа