16 жніўня ў санктуарый Маці Божай Каралевы нашых сем’яў у Тракелях прыбылі на супольную малітву пілігрымы на роварах.
Як паведаміў партал Grodnensis.by, перад цудадзейным абразом Маці Божай яны маліліся за свае сем’і.
У сувязі са складанай грамадска-палітычнай сітуацыяй у Беларусі з’явілася яшчэ адна малітоўная інтэнцыя: за Бацькаўшчыну, аб мірным вырашэнні крызісу і Божым благаслаўленні для ўсяго народа.
У праграме сустрэчы былі супольная малітва на ружанцы, спартыўныя конкурсы, віктарына, гонкі, невялікі пачастунак.
Цэнтральным і найважнейшым момантам сустрэчы стала святая Імша, якую цэлебраваў Генеральны вікарый Гродзенскай дыяцэзіі біскуп Юзаф Станеўскі.
Іерарх падзякаваў пілігрымам за іх любоў да Маці Божай, а таксама заклікаў да руплівай малітвы аб добрай, мірнай раніцы для нашай краіны, яе дачок і сыноў.
На заканчэнне сустрэчы кусташ санктуарыя кс. Юрый Бяганскі заахвоціў часта звяртацца да Тракельскай Маці, бо, як падкрэсліў, гэта асаблівае месца, дзе Яна чакае кожнага, каб ахінуць сваім мацярынскім плашчом апекі.
