24 студзеня, ва ўспамін святога Францішка Сальскага, апекуна каталіцкіх СМІ, біскуп Юзаф Станеўскі павіншаваў каталіцкіх журналістаў з патранальным святам.
У дасланым на адрас парталу Catholic.by віншаванні іерарх напісаў:
«Прывітанне, сябры!
Шчыра віншую вас са святам!
Дзякую вам за штодзённую рэлігійную інфармацыю, якая, як мяркую, дапамагае многім знайсці дарогу да пазнання Пана Бога.
Няхай святы Францішак, ваш апякун, і надалей спрыяе вашай добрай справе — абвяшчэнню Евангелля.
З павагай і малітвай,
біскуп Юзаф Станеўскі».
Дырэктар парталу Catholic.by кс. Аляксандр Улас ад імя ўсіх супрацоўнікаў і калегаў шчыра дзякуе Яго Эксцэленцыі за дасланыя віншаванні, малітву і падтрымку дзейнасці каталіцкіх СМІ.
