Пошук


15.01.2020 12:40   Тэкст: Андрэй Юхнік / Фота: Павел Леановіч / Catholic.by

14 студзеня дапаможны біскуп Гродзенскай дыяцэзіі Юзаф Станеўскі благаславіў пакоі семінарыстаў і іншыя памяшканні ў будынку Міждыяцэзіяльнай вышэйшай духоўнай семінарыі ў Гродне.

Семінарыйная супольнасць увечары сабралася ў капліцы гэтай навучальнай установы. Звяртаючыся да прысутных, біскуп адзначыў: «У перыяд Божага Нараджэння ў парафіях звычайна ёсць традыцыя „каляды“ і пастырскага візіту, падчас якога святар наведвае сем’і сваіх парафіянаў і благаслаўляе іх дамы і пакоі. Але гэта не ўсё. Галоўнае для святара — пазнаёміцца са сваімі вернікамі і той сітуацыяй, у якой яны штодзённа жывуць».

Іерарх узгадаў традыцыю пазначаць дзверы дамоў крэдай і ў чарговы раз нагадаў яе сэнс, падкрэсліўшы, як важна яе захоўваць.

Разам з выкладчыкамі і выхаваўцамі семінарыі біскуп памаліўся ў інтэнцыі навучальнай установы і тых, хто ўтварае яе супольнасць.

Пасля іерарх благаславіў і акрапіў асвячонай вадой семінарыйную капліцу, пакоі выхаваўцаў і студэнтаў, кухню і сталоўку, месца вучобы.

 

Абноўлена 15.01.2020 14:43
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Дух хоча жыць у нас –
мы пакліканы да вечнага жыцця