12 студзеня дзеці з парафіі Найсвяцейшага Сэрца Езуса ў Наваполацку наведалі сацыяльны прытулак у сваім горадзе, каб падзяліцца са сваімі аднагодкамі радасцю Божага Нараджэння.
На парафіяльнай старонцы ў сацыяльнай сетцы Вк відаць, што свята Хросту Пана стала ў наваполацкім сацыяльным прытулку асаблівым святочным днём, напоўненым радасцю і цеплынёю маленькіх сэрцаў.
Касцёльныя дзеці і падапечныя прытулку прадэманстравалі адно аднаму свае артыстычныя здольнасці. Акрамя таго, былі гульні, танцы і размовы за супольным сталом. Праведзены разам час праляцеў вельмі хутка.
