Пошук

18.11.2019 11:06   Тэкст: кс. Юрый Жэгарын / Catholic.by

З 15 па 17 лістапада ў парафіі св. Міхала Арханёла ў Навагрудку прайшла музычная майстэрня касцёльнага спеву для дарослых.

Рэпетыцыі праводзілі лаўрэаты міжнародных конкурсаў, выкладчыкі філармоніі Аляксандр Музыкантаў, Вольга Перагуд, а таксама арганіст касцёла св. Міхала Арханёла Андрэй Міхневіч.

Падчас рэпетыцый музычныя спецыялісты перш за ўсё засяродзіліся на пастаноўцы голасу ўдзельнікаў майстэрні, сярод якіх у большасці былі ўдзельнікі касцёльнага хору. Пасля пастаноўкі голасу асноўным напрамкам навучання быў грыгарыянскі харал, традыцыйны касцёльны спеў на працягу многіх стагоддзяў.

Дзякуючы грунтоўнай і напружанай працы ўдзельнікі засвоілі чатыры лацінскія грыгарыянскія спевы.

Кульмінацыяй майстэрні было аздабленне спевам нядзельнай святой Імшы.

Харысты навагрудскай парафіі выразілі вялікую зацікаўленасць у працягу такога роду музычных мерапрыемстваў, каб грунтоўней пазнаваць багатую традыцыю спеву паўсюднага Касцёла.

Абноўлена 18.11.2019 11:35
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа