![](/3/images/news/2019/11/10629/2019-11-01-lagishyn-004.jpg)
1 лістапада, калі паўсюдны Касцёл адзначае ўрачыстасць Усіх Святых, на лагішынскіх могілках збіраюцца сотні людзей — як мясцовых парафіянаў, так і тых, якія прыехалі з іншых мясцін.
Сёлета свята было асаблівым для лагішынскай парафіі, бо дзякуючы намаганням пробашча парафіі кс. Тадэвуша Шэшкі на могілках каля каталіцкай капліцы з’явіліся новыя крыжы — каталіцкі і праваслаўны, падрыхтоўкай і ўстаноўкай якіх кс. Тадэвуш займаўся асабіста.
Як зазначыў кс. Тадэвуш ва ўступным слове, паколькі могілкі не падзеленыя, а змяшаныя, і сем’і ў большасці таксама змяшаныя, то ён прыняў рашэнне паставіць два крыжы для публічнага ўшанавання.
Гэта за апошнія гады ўжо другі каталіцкі і праваслаўны крыж, зробленыя і пастаўленыя разам стараннямі пробашча.
Цэлебрацыю святой Імшы ўзначаліў біскуп Пінскі Антоні Дзям’янка, які і здзейсніў урачыстае благаслаўленне новага крыжа Пана.
У гаміліі арцыпастыр зазначыў важнасць жыцця па Божых запаведзях і навуцы Касцёла, разважаў над святасцю, да якой пакліканы кожны ахрышчаны чалавек, а таксама падкрэсліў, што ўрачыстасць Усіх Святых паказвае кожнаму чалавеку напрамак, у якім неабходна ісці, імкнучыся да святасці. Бо кожны чалавек ад Бога выйшаў і да Бога ідзе, аднак варта не забываць, што апошнімі рэчамі згодна з вучэннем Касцёла з’яўляюцца смерць, суд, пекла або неба, дадаў біскуп.
Напрыканцы гаміліі іерарх адзначыў асаблівасць «лагішынскага духу», а менавіта тое, што існуе жывая і добрая традыцыя, што на гэтае свята вернікі з Мінска, Брэста, Гродна, Гомеля, Варшавы, Пінска і іншых мясцін прыязджаюць у Лагішын, адкуль выйшлі, дзе прынялі сакрамэнт хросту і раслі. Яны прыязджаюць, каб памаліцца на магілах сваіх блізкіх памерлых, а таксама сустрэцца і пабыць разам.
![](/3/images/previews/news/2019/11/10629/s-2019-11-01-lagishyn-009-cb.jpg)
![](/3/images/previews/news/2019/11/10629/s-2019-11-01-lagishyn-001-cb.jpg)
![](/3/images/previews/news/2019/11/10629/s-2019-11-01-lagishyn-002-cb.jpg)
![](/3/images/previews/news/2019/11/10629/s-2019-11-01-lagishyn-003-cb.jpg)
![](/3/images/previews/news/2019/11/10629/s-2019-11-01-lagishyn-004-cb.jpg)
![](/3/images/previews/news/2019/11/10629/s-2019-11-01-lagishyn-005-cb.jpg)
![](/3/images/previews/news/2019/11/10629/s-2019-11-01-lagishyn-006-cb.jpg)
![](/3/images/previews/news/2019/11/10629/s-2019-11-01-lagishyn-007-cb.jpg)
![](/3/images/previews/news/2019/11/10629/s-2019-11-01-lagishyn-008-cb.jpg)
![](/3/images/news/2019/11/10629/2019-11-01-lagishyn-009.jpg)
![](/3/images/news/2019/11/10629/2019-11-01-lagishyn-001.jpg)
![](/3/images/news/2019/11/10629/2019-11-01-lagishyn-002.jpg)
![](/3/images/news/2019/11/10629/2019-11-01-lagishyn-003.jpg)
![](/3/images/news/2019/11/10629/2019-11-01-lagishyn-004.jpg)
![](/3/images/news/2019/11/10629/2019-11-01-lagishyn-005.jpg)
![](/3/images/news/2019/11/10629/2019-11-01-lagishyn-006.jpg)
![](/3/images/news/2019/11/10629/2019-11-01-lagishyn-007.jpg)
![](/3/images/news/2019/11/10629/2019-11-01-lagishyn-008.jpg)
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)