У ліпені ў Варшаве адбылася 31-я Міжнародная парафіяда дзяцей і моладзі. Сёлета Парафіяда сабрала паўтары тысячы ўдзельнікаў з сямі краін: Польшчы, Беларусі, Расіі, Літвы, Латвіі, Германіі, Украіны. З Гродзенскай дыяцэзіі ў ёй удзельнічалі каманды з 13 парафій.
Праект Парафіяда заснаваны на старагрэчаскай трыядзе «святыня — стадыён — тэатр».
Акрамя спаборніцтваў, прысутныя маглі ўдзельнічаць у святой Імшы, штодзённай адарацыі Найсвяцейшага Сакрамэнту, ранішніх і вячэрніх малітвах. Больш за тысячу чалавек на працягу тыдня, калі праходзіла Парафіяда, прынялі ўдзел у экскурсіях.
На заканчэнне Парафіяды адбылася святая Імша ў варшаўскім касцёле Божага Провіду. Пасля яе ўсе ўдзельнікі наведалі месца пахавання заснавальніка Парафіяды айца Юзафа Ёньца, які загінуў у авіякатастрофе пад Смаленскам.
Футбольная каманда гродзенскай парафіі Найсвяцейшай Панны Марыі Вастрабрамскай Маці Міласэрнасці (аўгустовак) заняла на Парафіядзе першае месца. У футбольных спаборніцтвах удзельнічалі 13 каманд, катэгорыя 2003-2005 гады нараджэння.
Агульныя вынікі парафіі Найсвяцейшай Панны Марыі Вастрабрамскай Маці Міласэрнасці на Парафіядзе:
- 1-е месца — футбол (катэгорыя 2003-2005 гг.)
- 2-е месца — баскетбол (катэгорыя 2003-2005 гг.)
- 1-е месца — бадмінтон — Валерый Сяўрук (катэгорыя 2003-2005 гг.)
- 1-е месца — плаванне, вольны стыль — Даніэль Якімчык (катэгорыя 2003-2005 гг.)
- 2-е месца — плаванне, класічны стыль — Даніэль Якімчык (катэгорыя 2003-2005 гг.)
- 2-е месца — шашкі — Віялета Каляндовіч (катэгорыя 2000-2002 гг.)
- 3-е месца — шахматы — Віялета Каляндовіч (катэгорыя 2000-2002 гг.)
- 3-е месца — конкурс рэлігійнай песні — Віялета Каляндовіч (катэгорыя 2000-2002 гг.)
- 1-е месца — шахматы — Вераніка Жыгуліч (катэгорыя 2000-2002 гг.)
- 1-е месца — шашкі — Вераніка Жыгуліч (катэгорыя 2000-2002 гг.)
- 2-е месца — шахматы — Вікторыя Купчэўская (катэгорыя 2003-2005 гг.)
Яшчэ адной падзеяй для большасці парафій-удзельніц была магчымасць адпачыць на працягу двух тыдняў у парафіядным летніку.
Для гродзенскіх парафій Найсвяцейшай Панны Марыі Вастрабрамскай Маці Міласэрнасці і Адшукання Святога Крыжа, парафій у Слоніме, Мастах і Росі летнік прайшоў над Балтыйскім морам у Лэбе. У праграме былі штодзённая Імша, ранішнія і вячэрнія малітвы, пейнтбол, наведванне музея васковых фігур, экскурсія па горадзе, рэйс па моры і іншае.
Удзельнікі парафіяднага летніку выказваюць падзяку Таварыству Парафіяды св. Юзафа Каласанса ў Варшаве.
