29 чэрвеня, ва ўрачыстасць святых апосталаў Пятра і Паўла, у капліцы Найсвяцейшай Тройцы ў Здуньскай-Волі (Польшча) дыякан Юрый Бондар FDP з Ганцавіч, які належыць да Кангрэгацыі Малой Справы Божага Провіду (арыяністы), прыняў прэзбітэрскае пасвячэнне.
Як паведамляе інтэрнэт-старонка супольнасці арыяністаў, пасвячэнне ўдзяліў дапаможны біскуп Влоцлаўскай дыяцэзіі Станіслаў Гэмбіцкі.
На святой Імшы прысутнічалі браты арыяністы на чале з правінцыяльным настаяцелем кс. Крыштафам Місем FDP, святары з Беларусі, родныя новапрэзбітэра і прадстаўнікі ўсёй арыянскай сям’і.
На заканчэнне правінцыяльны настаяцель выказаў біскупу Станіславу Гэмбіцкаму віншаванні з нагоды юбілею 50-годдзя святарства.
14 ліпеня ў 11.00 новапрэзбітэр Юрый Бондар будзе цэлебраваць прыміцыйную св. Імшу ў сваёй роднай парафіі ў Ганцавічах.
