З нагоды адкрыцця 29 чэрвеня капліцы ў гарадскім пасёлку Любча парафія св. Міхала Арханёла ў Навагрудку аб’яўляе паэтычны конкурс «Любчы з Божай ласкі прысвячэнне». Конкурс пройдзе з 15 мая па 15 чэрвеня.
Мэты конкурсу:
- пазнанне гісторыі
- духоўнае і патрыятычнае выхаванне.
Да разгляду прымаюцца вершы ўласнага сачынення на беларускай, рускай і польскай мовах.
Конкурсныя работы павінны мець духоўны змест і быць прысвечаны гістарычнаму мінуламу і сённяшняму дню Любчы. Гэта творы пра вернікаў, знакамітых асобаў і нашых сучаснікаў, пра хрысціянскія святыні, прыроду і культуру пасёлка.
Пераможцы атрымаюць каштоўныя падарункі, а лепшыя творы будуць надрукаваныя на старонках парафіяльнай газеты «Каталіцкі Навагрудак».
Вершы і кароткі аповед пра сябе неабходна даслаць не пазней за 15 чэрвеня на адрас:
касцёл св. Міхала Арханёла
г. Навагрудак, вул. Савецкая, 2
альбо на электронную пошту: faiushka@mail.ru
Даведкі па тэлефоне: +375 29 787 15 89
