Парафія св. Казіміра ва Уселюбе (Гродзенская дыяцэзія) запрашае ўсіх жадаючых на парафіяльнае свята ў гoнар святога Казіміра, якое адбудзецца 4 сакавіка.
Варта адзначыць, што касцёл ва Уселюбе — адна з найстаражытнейшых каталіцкіх святыняў у Беларусі, пабудаваная ў першай палове XV ст.
Як паведаміў пробашч кс. Віталій Цыбульскі, падчас свята адбудзецца ўрачыстае размяшчэнне ў святыні фігуры Маці Божай, якое здзейсніць біскуп Гродзенскі Аляксандр Кашкевіч, і распачацце Яе культу пад тытулам Маці Божай Новага Жыцця.
«Гэта гістарычная падзея не толькі для парафіі, але і для ўсёй Беларусі, — адзначае пробашч. — Праз пасрэдніцтва Марыі мы можам тут, ва ўселюбскай святыні, выпрошваць дар бацькоўства і аднаўлення нашага хрысціянскага жыцця».
Пачатак у 12.00.
Адрас парафіі: Гродзенская вобл., Навагрудскі р-н, в. Уселюб, вул. Чырвонаармейская, 20.
