З 4 па 6 студзеня падчас зімовых канікул у Міждыяцэзіяльнай вышэйшай духоўнай семінарыі ў Гродне адбудуцца рэкалекцыі на тэму «Не бойцеся, я абвяшчаю вам вялікую радасць» (пар. Лк 2, 10).
Запрашаем юнакоў, а асабліва міністрантаў ад 14 гадоў на перажыванне хвілін цішыні, а таксама цікавага разважання над сваім жыццёвым шляхам, каб шчыра запытацца ў сэрцы: «Да чаго мяне кліча Бог?»
Удзельнікі рэкалекцый змогуць адчуць клімат семінарыйнага жыцця, паразмаўляць з семінарыстамі і духоўнымі айцамі, а таксама ўзбагаціць свае веды адносна праўдаў веры і малітвы.
Пра ўдзел у рэкалекцыях неабходна паведаміць да 2 студзеня. Увага! Колькасць удзельнікаў абмежаваная!
Адказны за рэкалекцыі кс. Андрэй Лішко +375 (29) 744 99 61 (МТС).
Запісацца можна па тэлефоне 8 (015) 262 22 22 (дзяжурны семінарыі).
Пачатак рэкалекцый 4 студзеня а 17-й гадзіне.
З сабою трэба мець Святое Пісанне і комжу, а таксама добры настрой.
