З 30 лістапада па 2 снежня ў рэктаральным касцёле Звеставання Найсвяцейшай Панне Марыі (пабрыгіцкі) ў Гродне пройдуць рэкалекцыі цвярозасці.
Праблема залежнасцяў закранае вялізную колькасць людзей, у тым ліку і вернікаў. Трапіць у залежнасць і здацца значыць загінуць.
Залежнасць — алкагольная, наркатычная, любая іншая — гэта перадусім духоўная хвароба, якая патрабуе духоўных сродкаў лячэння.
Рэкалекцыі, або духоўныя практыкаванні для ўсіх, хто так ці інакш сутыкаецца з праблемай залежнасці, арганізуе душпастырства цвярозасці Гродзенскай дыяцэзіі.
Арганізатары запрашаюць да ўдзелу ўсіх, каго хвалюе праблема алкагалізму і наркаманіі.
Пачатак рэкалекцый — 30 лістапада ў 18.30
Адрас: г. Гродна, вул. Маладзёжная, 2
Запісацца i атрымаць больш інфармацыі можна па тэлефоне: +375 (33) 325 57 64 — Юрый
