3 кастрычніка стартавала народнае галасаванне за праекты Дванаццатага рэспубліканскага конкурсу сацыяльных праектаў Social Weekend. У ім бярэ ўдзел група валанцёраў «Радыё Марыя» з праектам вай-фай радыёпрыёмнікаў для пажылых людзей.
Паколькі хрысціянскае «Радыё Марыя» пакуль што выходзіць у эфір толькі ў інтэрнэце, далёка не ўсе пажылыя людзі могуць яго слухаць, бо не маюць камп’ютараў або смартфонаў. Таму група валанцёраў вырашыла забяспечыць такіх слухачоў вай-фай радыёпрыёмнікамі, прататып якіх ужо створаны і дзейнічае.
Для таго, каб падтрымаць праект забеспячэння пажылых людзей вай-фай радыёпрыёмнікамі для праслухоўвання перадач «Радыё Марыя», неабходна даслаць SMS з нумарам 2043 (толькі чатыры лічбы без прабелаў і іншых знакаў) на кароткі нумар 7755. У залежнасці ад аператара, кошт гэтага SMS-паведамлення складае ад 1 руб. да 1 руб. 25 кап. Галасаванне праходзіць да 7 кастрычніка і заканчваецца ў 21.00.
