Пошук
30.06.2018 11:52   Catholic.by
© Алег Арлоўскі / radzima.org

14 ліпеня адбудзецца IV Пешая пілігрымка, якая пройдзе ад гродзенскага францішканскага касцёла Маці Божай Анёльскай да месца спачынку расстраляных гітлераўцамі жыхароў Гродна і Ліпска на Навумавіцкім форце. Завершыцца пілігрымка св. Імшой.

У 75-ю гадавіну расстрэлу гітлераўцамі жыхароў г. Гродна і г. Ліпска біскуп Гродзенскі Аляксандр Кашкевіч запрашае вернікаў узяць удзел у IV Пешай пілігрымцы на месца спачынку ахвяраў нацызму, якая распачнецца ад францішканскага касцёла Маці Божай Анёльскай а 12-й гадзіне і завершыцца св. Імшой на Навумавіцкім форце а 19-й гадзіне.

«Падчас святой Імшы мы будзем маліцца ў інтэнцыі ахвяраў, а таксама выпрошваць заступніцтва благаслаўлёнай Мар’яны Бярнацкай, якая разам з іншымі ахвярамі спачывае на месцы расстрэлу», — паведамляе пастыр Гродзенскай дыяцэзіі.

Умовы ўдзелу

  • Пілігрымы збіраюцца на супольную малітву ў францішканскім касцёле Маці Божай Анёльскай а 12-й гадзіне. Адтуль пілігрымка пройдзе вуліцамі г. Гродна да Адамавічаў праз Міцкавічы на Форт № 2.
  • Удзел непаўналетніх пілігрымаў магчымы толькі ў суправаджэнні апекуноў.
  • Неабходна мець зручны абутак для грунтовай дарогі; пажадана мець з сабой турыстычны дыванок і ежу.
  • Ёсць магчымасць даехаць на Навумавіцкі форт транспартам з прыпынку крама «Баторыя» (Савецкая плошча). Ад’езд аўтобусамі а 18-й гадзіне.
  • Пасля заканчэння св. Імшы пілігрымы і іншыя ўдзельнікі вяртаюцца аўтобусамі ў Гродна.
  • Аплата за праезд аўтобусамі добраахвотная.

Абноўлена 30.06.2018 11:53
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа