Пошук
28.06.2018 17:47   Кс. Міхал Бубен / Catholic.by

Вернікі Мінска-Магілёўскай архідыяцэзіі могуць запісацца ў пілігрымку ў Вільню і Каўнас, якія 22 і 23 верасня гэтага года наведае Папа Рымскі Францішак.

У пілігрымку на моладзевую сустрэчу, якая пройдзе ў літоўскай сталіцы на літоўскай і італьянскай мовах, запрашаецца моладзь ад 18 да 35 гадоў. У пілігрымку на святую Імшу ў Каўнас запіс ідзе без абмежавання ва ўзросце (дзеці толькі ў суправаджэнні бацькоў).

Падрабязней пра візіт Папы ТУТ>>

Праграма пілігрымкі ў Вільню (22 верасня):

  • 12.00 — святая Імша ў касцёле св. Арханёла Рафала на беларускай мове для ўдзельнікаў пілігрымкі
  • 16.00 — cустрэча з Папам Рымскім

Узроставае абмежаванне ўдзельнікаў — з 18 гадоў.

Кошт — 55 еўра.


Праграма пілігрымкі ў Каўнас (23–24 верасня):

  • Выезд з Мінска аўтобусамі (у ноч з суботы на нядзелю, дакладны час ад’езду будзе пададзены пазней).
  • 7.00 — прыезд у Каўнас
    Удзел у чуванні перад Імшой у адмысловым сектары
  • Святая Імша
  • Сустрэча Папы Рымскага з духавенствам у катэдры Каўнаса (для святароў і кансэкраваных асобаў)
  • 12.30–16.00 — вольны час
  • Выезд у Кайшадорыс, вячэра, начлег
  • Сняданак
  • Святая Імша пры рэліквіях бл. арцыбіскупа Тэафілюса Матулёніса (на беларускай мове), выезд у Вільню.
  • Вільня. Магчымасць наведвання гандлёвага цэнтра «Акропаліс»
  • Вяртанне ў Мінск

Кошт — 60 еўра (выезд аўтобусам з Мінска), 50 еўра (выезд аўтобусам з Маладзечна).

У гэтую суму ўваходзіць:

  • праезд аўтобусам туды і назад;
  • вячэра, начлег і снеданне ў г. Кайшадорыс.

 

Усім жадаючым прыняць удзел у сустрэчах са Святым Айцом у Вільні і Каўнасе да канца ліпеня неабходна падаць свае асабістыя дадзеныя і здаць грошы за ўдзел пробашчам сваіх парафій.

Святарам выслана ўся неабходная інфармацыя адносна арганізацыі пілігрымак.

Абноўлена 19.09.2018 15:25
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.