22 мая Рэлігійная каталіцкая місія св. Францішка Сальскага пры парафіі св. Яна Хрысціцеля ў сталічным мікрараёне Серабранка (вул. Пляханава, 28-1) правядзе лекцыю на тэму «Адказнасць падлеткаў і моладзі».
Няма нічога больш каштоўнага для бацькоў, чым дабрабыт дзяцей і іх бяспека. Сям’я для дзіцяці з’яўляецца першым інстытутам сацыялізацыі. Менавіта ў сям’і дзіця атрымлівае першыя навыкі зносін з навакольным светам, убірае ў сябе правілы паводзінаў і нормы, устаноўленыя ў грамадстве.
На жаль, бываюць выпадкі, калі падлеткі і маладыя людзі трапляюць у дрэнную кампанію, дзе вельмі рана набываюць негатыўны вопыт. У выніку імі здзяйсняюцца правапарушэнні і злачынствы.
Пра тое, як засцерагчы сваё дзіця або сябе ад негатыўнага ўплыву і не быць прыцягнутым да адказнасці, вы можаце даведацца, наведаўшы лекцыю на тэму «Адказнасць падлеткаў і моладзі».
Пасля лекцыі будзе магчымасць задаць пытанні ў індывідуальнай гутарцы са спецыялістам.
Лекцыя распачнецца ў 19.00.
Запіс удзельнікаў па тэлефоне: +375 (44) 744 56 44 (тэлефанаваць у працоўныя дні з 10.00 да 16.00).
