16 лістапада, ва ўрачыстасць Найсвяцейшай Панны Марыі Вастрабрамскай, Маці Міласэрнасці, галоўнай апякункі Гродзенскай дыяцэзіі, распачнецца І Сінод Гродзенскай дыяцэзіі. Яго дэвіз — «Жыць Евангеллем».
Пра гэта стала вядома 25 верасня ў біскупскай курыі ў Гродне.
Праграма Сінода:
10.00 — прывітанне ўдзельнікаў
- Гімн да Духа Святога
- Літургія Гадзін (на працягу дня)
- агучванне дэкрэта па скліканні І Сінода Гродзенскай дыяцэзіі
- канферэнцыя «Роля і выклікі дыяцэзіяльнага Сінода для Касцёла на Гродзеншчыне»
11.00 — адарацыя Найсвяцейшага Сакрамэнту, прысвечаная распачаццю дыяцэзіяльнага Сінода
- магчымасць прыступіць да сакрамэнту пакаяння і паяднання
- Акт аддання пад апеку Найсвяцейшай Панны Марыі Вастрабрамскай
12.00 — урачыстая святая Імша на распачацце Сінода
Дыяцэзіяльны Сінод скліканы біскупам Гродзенскім Аляксандрам Кашкевічам для апісання і вызначэння аблічча партыкулярнага Касцёла.
Сінод з’яўляецца кансультатыўным сходам, які ўтвараюць святары, кансэкраваныя і свецкія асобы Касцёла на Гродзеншчыне, а таксама нагодай да ўзрастання ў веры і любові ў супольнасці. Генеральным сакратаром дыяцэзіяльнага Сінода абраны канонік кс. Антоні Грэмза, віцэ-канцлер Гродзенскай курыі.
