У Гродне пройдзе набор слухачоў на Курсы сямейнага жыцця пры Канферэнцыі Каталіцкіх Біскупаў у Беларусі на 2017/2018 навучальны год. У курсе могуць прымаць удзел усе жадаючыя, якія зацікаўлены дабром сям'і.
Мэта курсаў — падрыхтоўка сямейных дарадчыкаў, якія змогуць дапамагаць пры парафіі, у падрыхтоўцы сямейных пар да сакрамэнту сужэнства, а таксама ў сямейнай кансультацыі.
Навучанне працягваецца тры гады. Заняткі — адзін раз у месяц, звычайна ў другую суботу і нядзелю месяца.
Месца навучання: касцёл Найсвяцейшага Адкупіцеля (Гродна, Дзевятоўка, вул. Курчатава, 41).
Пасля заканчэння курсаў слухач атрымлівае дыплом, з якім можа выконваць функцыі сямейнага кансультанта пры парафіях, а таксама дыплом аб заканчэнні курса І ступені для выкладчыкаў натуральнага планавання сям'і ў галіне сімптатэрмальнага метаду.
Кваліфікацыйная размова для кандыдатаў пройдзе 6 кастрычнiка ў 18.00 па адрасе: Гродна, вул. Курчатава, 41, аўдыторыя № 5.
З сабой неабходна мець дакументы:
- уласнаручна напісаная заява аб прыняцці з матывацыяй свайго рашэння
- уласнаручна напісаная аўтабіяграфія
- рэкамендацыя ад пробашча
- 2 фотаздымкі (3х4 см)
- ксеракопія дыплома аб заканчэнні навучальнай установы
- ксеракопія пашпарта (старонкі 31-33).
Кантактны тэлефон:
+375 (29) 588-42-73 Ірына Мялешка
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)