У ноч з 8 на 9 верасня ў парафі Свв. Сымона і Алены ў Мінску (Чырвоны касцёл) пройдзе начное чуванне, прысвечанае перапрашэнню за грахі свету і аб супакоі ў свеце.
Распачнецца чуванне святою Імшою ў 23.00. Пасля Эўхарыстыі праз усю ноч будзе адбывацца адарацыя Найсвяцейшага Сакрамэнту, Ружанец, малітвы аб спакоі ў свеце.
Да ўдзелу заахвочваюцца асабліва тыя вернікі, якія належаць да малітоўных рухаў і супольнасцяў.
Будзе таксама магчымасць прыступіць да сакрамэнту пакаяння.
