Пешая пілігрымка з Магілёва ў Бялынічы, якая вырушыць ужо другі раз, будзе працягвацца два дні — 23–24 верасня.
Бялынічы — месца, якое славіцца цудадзейным абразом Мацi Божай. Гэты абраз быў другім пасля абраза Маці Божай Жыровіцкай на тэрыторыі Беларусі, ушанаваны папскімі каронамі. Каранацыя адбылася ў 1761 годзе. У гады вайны абраз захоўваўся ў Магiлёўскiм абласным краязнаўчым музеі, адкуль знiк, і да сёння яго месцазнаходжанне не вядома.
Праграма пілігрымкі:
23 верасня, субота
- 09.00 — урачыстая святая Імша ў касцёле Унебаўзяцця Найсвяцейшай Панны Марыі і св. Станіслава (Магілёў, вул. Камсамольская, 4)
- 10.00 — пілігрымы даязджаюць да новай капліцы парафіі Св. Казіміра і св. Ядвігі, дзе фарміруецца пілігрымка (Магілёў, Мінскае шасэ, 8А). Для пілігрымаў транспарт будзе арганізаваны
- 11.00 — благаслаўленне на пачатак пілігрымкі і выхад пілігрымаў ад капліцы парафіі Св. Казіміра і св. Ядвігі
- 14.00 — абед (для пілігрымаў будзе арганізаваны)
- 18.00 — прыпынак у в. Нежкава (вячэра, малітоўны вечар)
24 верасня, нядзеля
- 06.30 — сняданак
- 07.00 — выхад з в. Нежкава
- 11.30 — прыпынак на абед
- 14.30 — сустрэча пілігрымаў каля капліцы Маці Божай Бялыніцкай (г.п. Бялынічы, вул. Калініна, 37)
- 15.00 — урачыстая святая Імша (узначаліць біскуп Віцебскі Алег Буткевіч)
Удзел у пілігрымцы бясплатны. З сабой неабходна мець спальнік і карымат.
Для пешых пілігрымаў будзе арганізаваны даезд 24 верасня з Бялыніч у Магілёў. Выезд аўтобусам у 18.00 ад капліцы Маці Божай Бялыніцкай.
Адказны — кс. Юзаф Сярпейка:
+375 (29) 570-85-87
